FOTO/ Makinat bëhen copash në Pogadec, ka të plagosur

Një aksident dramatik ka ndodhur sot në Pogradec, duke lënë tre persona të plagosur. Ngjarja ndodhi rreth orës 14:30 në rrugën e Tushemishtit, kur automjeti i drejtuar nga shtetasi P. H. u përplas me makinën e shtetasit R. P.

Sipas njoftimit të policisë, si pasojë e përplasjes, janë dëmtuar shtetasi R. P. dhe dy pasagjerë që ndodheshin me të, të cilët aktualisht ndodhen jashtë rrezikut për jetën. Ndërkohë, drejtuesi i mjetit tjetër, P. H., është shoqëruar në Komisariat për veprime të mëtejshme hetimore.

Përplasja ka qenë mjaft e fortë, duke shkaktuar dëmtime të konsiderueshme në të dy automjetet. Efektivët e policisë ndodhen ende në vendngjarje, ndërsa grupi hetimor po punon intensivisht për zbardhjen e rrethanave që çuan në këtë aksident.