Ka ndërruar jetë në spital punonjësi i Bashkisë Elbasan që u rrëzua gjatë riparimit të llambave elektrike në rrugë.
56-vjeçari Eduart Balliu ka ndërruar jetë mesditën e sotme në spitalin e Elbasanit.
Ai u aksidentua në lagjen “5Maji” kur koshi i vinçit u shkëput teksa ai ishte duke riparuar llambat e shtyllave elektrike.
Pas aksidentit ai pësoi dëme të shumta në trup, ndërkohë që menjëherë u dërgua në spital, por nuk ia doli.
Ankesa e qytetarëve:
Ky person quhet Eduart balliu..punonjes prane bashkise Elbasan…ka nderruar jete sot ne moshen 56 vjecare pasi eshte rrezuar nga vinci i bashkise ne momentin qe po bente nderrimin e llampave ne nje shtylle ne lagjen 5 maji..vinc i viteve 80…ju lutem beni verifikimet tuaja por 1000 per qind e sigurte..anonim ju lutem
Njoftimi i policisë Elbasan:
Informacion shtesë/ Në vijim të informacionit paraprak të dhënë mesditën e sotme, ju informojmë se, shtetasi E.B, 56 vjeç, punonjës i Bashkisë Elbasan, për shkak të dëmtimeve, ka humbur jetën në spital. Grupi hetimor vijon punën për dokumentimin e plotë ligjor të ngjarjes.
