FOTO/ Policia përplaset me banorët në Thumanë-Kashar, lirohet njëri krah i autostradës

Ashtu siç kishin paralajmëruar, qytetarët e Fushë Krujës dhe të Krujës janë bërë bashkë dhe kanë protestuar kundër faktit që ata nuk kanë një hyrje-dalje në autostradë.

Qytetarët kanë bllokuar për 30 minuta të dyja krahët e autostradës, duke bërë që edhe qarkullimi i makinave të jetë i pamundur për pak kohë.

Më ndërhyrjen e policisë është liruar qarkullimi i autostradës Thumanë-Kashar tashmë, duke qenë të lira të dyja anët e rrugës.

Protestuesit kanë thënë se do të protestojnë sërish. Policia u përplas me banorët, duke përdorur edhe gaz lotsjellës.

Qytetarët shprehen se nuk kanë hyrje-dalje dhe se për të hyrë në rrugë, duhet që të shkojnë në Rinas. Banorët e Krujës, Fushë Krujës dhe të Thumanës thanë se bizneset e tyre janë duke falimentuar, pasi automjetet nuk kanë kalojnë më aty.

Qytetarët kanë thënë se protesta nuk është politike, por është e tyre. Banorët kanë thënë se do rikthehen sërish, derisa problemi i tyre të gjejë zgjidhje.