FOTO/VIDEO/Tmerr në Greqi, dhjetëra të plagosur, protestuesit shkelin njëri-tjetrin me këmbë nga paniku

Ka përfunduar në dhjetëra të lënduar protesta në Greqi.

Një 45 vjeçar është plagosur me thikë pranë qendrës ku po mbahej protesta e ndërsa dhjetëra të tjerë janë lënduar pasi kanë shkelur njëri-tjetrin me këmbë duke u përpjekur për të dalë nga tuma pasi policia tentoi qe t’i shpërndante me gaz lotsjellës.

Mediat greke shkruajnë se janë plagosur të paktën 10 policë e disa qytetarë protestues. Sakaq policia në një deklaratë është shprehur se ka qenë një grup antiqeveritar ai që ka shkaktuar trazira dhe kanë përfunduar në akte dhunë dhe ka plagosur efektivët e policisë.

Policia tha se ndaj sulmit u morën masa parandaluese, të parashikuara.

Policia ka përdorur gaz lotsjellës dhe tymuese për të shpërndarë protestuesit, të cilën janë mbledhur sot para parlamentit në Athinë duke kundërshtuar marrëveshjen e Prespës me Maqedoninë për çështjen e emrit.