FOTO/Vinin nga Greqia në Tiranë, çifti i të fejuarve aksidentohet në Mallakastër

Një aksident automobilistik me dy të plagosur ka ndodhur në autostradën Levan-Tepelenë këtë padite. Makina me të cilën lëvizte një çift ka dalë nga rruga, në vendin e quajtur Selisht në Mallakastër. Mësohet se drejtuesi i mjetit, 31-vjeçari M. Muçaj është plagosur rëndë, ndërsa partnerja e tij ka marrë plagë më të lehta.

Makina tip “Skoda” vinte nga Greqia me destinacion Tiranën, ku banon edhe çifti.

Në një moment, dyshohet se drejtuesi ka humbur kontrollin e mjetit që ka dalë nga rruga dhe ka përfunduar në një fushë anë asfaltit të autostradës. Dyshohet se lodhja dhe përgjumja e drejtuesit të mjetit të ketë ndikuar në aksident.