Gazetari uron poetin Xhevahir Spahiu për ditëlindje

Poeti i kombit, XHEVAHIR SPAHIU, i kaloi të 80-të vitet…

Jetofsh sa malet e Skraparit,
o më i madhi ndër skraparllinjtë…., -shkruan gazetari Artan Hoxha në FB.

Xhevahir Spahiu, një nga poetët më të shquar të letrave shqipe, kalon të 80-tat, duke mbetur një zë i fuqishëm i revoltës, lirisë dhe ndjeshmërisë njerëzore. Nga poezia e angazhuar e viteve të errëta deri te vargjet që fshikullojnë padrejtësinë me një forcë të heshtur, por të pamposhtur, Spahiu ka qenë gjithnjë një krijues që nuk u pajtua kurrë me heshtjen.

Me një stil të drejtpërdrejtë e të ngjeshur, ai e bëri poezinë një mjet të mendimit kritik dhe një pasqyrë të shpirtit shqiptar, në dritë dhe në hije. Përmes vargjeve të tij, ai ka prekur thellësisht breza të tërë lexuesish, duke na lënë pas mesazhe që nuk zbehen me kohën.

Në një realitet ku fjala e lirë ende sfidohet, kujtojmë Xhevahir Spahiun jo vetëm si poetin e fjalës së mençur, por edhe si një dëshmi të gjallë të asaj se letërsia mund të jetë një akt rezistence.

PUBLIK.al i uron jetë të gjatë!

BALLË PËR BALLË

Unë dal në rrugë
me tufa mimozash në duar
ti me shkopinj dhe me plumba
ti me qen
unë me pëllumba.

Unë kam fytyrë
ti skafandër
ti dhëmbët
unë fjalën.
Unë kërkoj një grusht jetë,
ti më kërkon edhe vdekjen.

Të dy
sy ndër sy
sy ndër sy
të dy.

Pëllumbat e mi plugojnë hapesirat;
ikën qentë prej teje
muarën malet përpjetë.

As qentë nuk të duan.

Nuk të duan as qentë.

Të dy
sy ndër sy
sy ndër sy
të dy.P