duke paracaktuar tenderat për klientët

Janë zbardhur argumentat e gjykatës së Posaçme që vendosi masën e sigurisë detyrim paraqitje, pezullimin nga detyra dhe ndalim dalje jashtë shtetit për Ministren e Infrastrukturës dhe Energjitikës, Belinda Balluku.

Në caktimin e masës, gjykata ve në dukje një kriter domethënës se zyrtarja e lartë ka rrezik potencial për të kryer të njëjtën vepër penale siç është shkelja e pabarazisë në tendera, për të cilat ajo aktualisht është marë e pandehur në dy raste.

Për të parandaluar këtë veprimtari të paligjshme, është e nevojshme që e pandehura Belinda Balluku, të pezullohet nga detyra, në mënyrë që mos ketë akses në ushtrimin e detyrës, pasi ka potencial dhe indicie që të përsërisë të njëjtin fakt penal në tendera të tjerë.

Gjykata ndër të tjera thotë se duke u ndalur te pezullimi, GJKKO arsyeton se:

“…ekziston rreziku që ata të kryejnë krime të të njëjtit lloj me atë për të cilin po procedohen, kjo, lidhur me rrethanat e veprimeve të kundraligjshme të të pandehurve në disa procedura prokurimi, si dhe nisur nga fakti se të pandehurit menaxhojnë në vazhdim fondet publike për investimet publike të tjera të parashikuara për Institucionet Qëndrore që ata drejtojnë. Me plotësimin e kushteve dhe kritereve si më sipër, Gjykata vlerëson se caktimi masave të sigurimit personal me karakter shtrëngues/ndalues ndaj të pandehurve Belinda Balluku, Gentian Gjyli dhe Erald Elezi është i domosdoshëm në plotësim të nevojave të sigurimit që kërkon hetimi i këtij procedimi penal…”.

Ndër të tjera gjykata shprehet se për shkak të dy funksioneve publike që mban zonja Balluku, ajo mund të ndikojë në prishjen e provave dhe intimidimi i dëshmitarëve.