Gjykata e Hagës dënon me 18 vite burg Kadri Veselin

Kadri Veseli është dënuar me 18 vite burg nga Gjykata Speciale në Hagë, në kuadër të aktgjykimit të shkallës së parë ndaj katër ish-krerëve të Ushtrisë Çlirimtare të Kosovës.

Vendimi për Veselin u shpall gjatë seancës së sotme në Dhomat e Specializuara të Kosovës në Hagë, ku po bëhet publik aktgjykimi ndaj Hashim Thaçit, Kadri Veselit, Rexhep Selimit dhe Jakup Krasniqit.

Procesi gjyqësor lidhet me akuzat për krime lufte dhe krime kundër njerëzimit gjatë periudhës së luftës në Kosovë. Të akuzuarit i kanë mohuar akuzat.

Gjykata po vijon me shpalljen e vendimeve për secilin prej të pandehurve.