Grabitja në Rinas/ Lleshaj krahason 11 shtatorin në SHBA me banden e hajdutëve në Rinas

Ai i ka dhënë përgjigje edhe presidentit që ka kërkuar mbështetjen ligjore për këtë vendim, duke thënë se “FA kanë hyrë në detyrë si mbështetje në detyrë të policisë së shtetit, siguria fizike e aeroportit ishte atje ku nuk mund të pranohen më gardhi dhe porta u cenuan në harkun e disa sekondave, kemi dy rrugë; ose ta lëmë si është ose ta përforcojmë, dhe këto janë kapacitetet”.

Nga foltorja e Kuvendit, Lleshaj ka kujtuar se ajo që ndodhi ishte shumë e rëndë, por e ka përkufizuar si një incident, pasi ka thënë se “shtete shumë të fuqishme kanë rënë në gjunjë”, duke iu referuar edhe 11 shtatorit në SHBA.

Pjesë nga fjala e LLeshajt

Futja në rrugën e imagjinatës nuk na con asgjëkundi se gjëra të tilla mund ta ndodhin kudo, nuk është arsye për ta dramatizuar por ajo që ka ndodhur është jashtëzakonisht e rëndë, ne kemi marrë masat të forta për të zhbërë një histori turpi, që ka nisur para 20 vjetësh në transferimin e një aseti shumë të rëndësishëm  në duar të panjohura,

Është precedent i rëndë që kemi transferuar sovranitet në duar të një koncesionari privat. Do gjeni duar dhe emra të njohur që kanë kontribuuar në këtë situatë, u tha nga shumëkush që është cenuar sigurua kombëtare, nuk e pranojmë që ka rënë siguria e vendit se ka ndodhur kjo.

Qeveria ka marrë masa të shpejta të forta për të përjashtuar teorikisht cdo mundësi që ky aset i sigurisë së vendit të mund të cenohet.

Ata që thanë se është cenuar sigurua, na qenkan shqetësuar sot se pse FA janë angazhuar aty.

Aktorë e përgjegjës të kësaj situate shqetësohen për kushtetutshmërinë e ndërhyrjes, jo të nderuar zotërinj, po ju them qartësisht se FA e kanë në mision kushtetues sigurinë kombëtare të vendit dhe nëse ne konstatojmë se kjo është cenuar apo kërcënuar FA kanë detyrë kushtetuese të japin kontributin e tyre, ato kanë hyrë në detyrë si mbështetje në detyrë të policisë së shtetit, siguria fizike e aeroportit ishte atje ku nuk mund të pranohen më gardhi dhe porta u cenuan në harkun e disa sekonadave, kem dy rrugë, ose ta lëmë si është ose ta përforcojmë, dhe këto janë kapacitetet