Hetimet për ‘Tiranë-Elbasan’/ Flet Haxhinasto: Prokuroria të më verifikojë! Nëse po përdoret politikisht do përgjigjem rreptë

Një ditë pasi qarkulloi lajmi se hetimet e Prokurorisë së Krimeve të Rënda për abuzimet me tendera për rrugën Tiranë-Elbasan, mund të kapin edhe nivele të larta drejtuese, mediat kanë marrë reagim nga ish-ministri Edmond Haxhinasto.

I pyetur nga TCH nëse e shqetësojnë hetimet që po kryen prokuroria, ish-ministri i Transporteve, i LSI, në qeverinë “Rama 1” ka deklaruar: “S’me shqetesojne fare as hetimet as verifikimet. Une kam bere drejtimin politik te ministrise. Gjithekush eshte i lire te verifikoje. Gjithe veprimtaria ime eshte bere mbi bazen e dokumentave qe jane atje. Te verifikohen, une jam i gatshem”.

Por edhe pse është shprehur i hapur, ai ka vënë në pah se nëse këto sulme janë politike dhe jo hetime ligjore do të përgjigjet ashpër.

“Duhet t’ju them se koha e drejtesise popullore kur ngriheshin thashethemnaja dhe njerezit goditeshin qofte moralisht qofte fizikisht ka perfunduar bashke me sistemin e kaluar. Une jam ketu, do jem ketu. Nqs kjo do te degjeneroje ne goditje politike une do t’i pergjigjem politikisht dhe rrepte”, ka deklaruar Haxhinasto.