Horror në familjen shqiptare, babai vret vajzën dhe e varros në kopshtin e shtëpisë. Zbardhen detajet

Një ngjarje e rëndë ka tronditur Korfuzin, ku një shqiptar ka vrarë vajzën e tij 28-vjeçare dhe më pas ka varrosur trupin në oborrin e shtëpisë.

Ngjarja ka ndodhur në fshatin Alepu në Korfuz ku mediat greke bëjnë me dije se vajza ishte shpallur dje paradite e humbur, ndërsa në darkë, pas presionit të policisë babai shqiptar, për të cilin mediat greke shkruajnë si ishte minoritar grek nga Shqipëria, ka pranuar se e vrau të bijën pasi kishte lidhje intime me një shtetas afgan.

Ka qenë pikërisht partneri i 28-vjeçares që ka denoncuar në policia pasi ajo nuk ishte paraqitur dje në punë.

28-vjeçarja Angjeliki Pjetri ka humbur jetën pas goditjeve të forta me armë të ftohta në kokë.

Balkanweb shkruan se ka qenë babai i viktimës ai që më pas ka drejtuar policinë në kopshtin pas shtëpisë, ku kishte fshehur trupin e të bijës, që e kishte mbuluar me shpejtësi e në panik e sipër.

29-vjeçarja Angjeliki Pjetri kishte lidhje prej kohësh me një shtetas afgan në Korfuz, çfarë shkaktonte debate të ashpra me të atin, i cili ishte kundër. Vajza ishte e pavarur, gjithsesi, pasi punonte në një dyqan në Korfuz dhe nuk banonte më me të atin.