HUMBI BABAIN DY JAVË MË PARË, AJOLA XOXA KA NJË MESAZH TË NDJERË: TË GJITHË JU QË I KENI PRINDËRIT PRANË…

Publicisti Arben Xoxa humbi jetën pas një beteje të gjatë me një sëmundje të rëndë më 24 shkurt të këtij viti.

Ajola ka postuar një foto ku shfaqet duke u përqafuar me të atin, kujtim i shkëputur nga dita e saj e dasmës. Ajola mban të veshur fustanin e bardhë të nuses, ndërsa përqafon të atin.

“U bënë më shumë se 2 javë pa babin dhe ajo çka më mungon më shumë është ta përqafoj. Të gjithë ju që i keni prindërit pranë, thojuni sa shumë i doni dhe përqafojini fort, ashtu siç do të kisha dashur të mund ta përqafoja tim atë tani. Për ju që i keni larg, merrini në telefon dhe bëni një bisedë të gjatë me ta. Asgjë nuk i gëzon më shumë se sa të jenë në praninë tuaj, e do të vijë një ditë që asgjë s’do t’ju gëzonte më tepër sesa të ishit në praninë e tyre. Thesari i vërtetë në këtë jetë është familja”, shkruan në postimin e saj.