I riu goditet me thikë në kokë, dërgohet me urgjencë drejt spitalit

Një ngjarje e rëndë ka ndodhur në Vlorë, ku një 26-vjeçar është goditur me thikë në kokë.

Mësohet se i plagosur është shtetasi Klevis Alilaj nga Tirana, i cili u transportua menjëherë në spital, i shoqëruar nga policia.

Aktualisht ai ndodhet në kirurgji dhe mjekët raportojnë se është në gjendje stabile, me plagë sipërfaqësore dhe jashtë rrezikut për jetën.

Policia ka nisur hetimet për zbardhjen e rrethanave të ngjarjes dhe identifikimin e autorëve.