Ilir Binaj emërohet drejtori i ri i Tatimeve

Ilir Binaj është emëruar këtë të mërkurë drejtor i Përgjithshëm i Tatimeve.

Vendimi është miratuar nga Këshilli i Ministrave, gjatë mbledhjes së ditës së sotme.

Drejtor i Përgjithshëm i Tatimeve ka qenë Ceno Klosi, i cili dha dorëheqjen pasi u emërua zv.ministër në Ministrinë e Infrastrukturës dhe Energjisë.

Klosi drejtonte Tatimet që prej tetorit të 2021-shit dhe dha dorëheqjen në qershor të këtij viti.

Pas largimit të Klosit, në krye të kësaj drejtorie u komandua Elidjana Celaj.

Tashmë, Drejtorinë e Tatimeve kryeministri Edi Rama ia ka besuar Binajt.