Itali/ Shqiptari hidhet nga kati i dytë për ti shpëtuar policisë, thyen këmbën

Një shqiptarë ka tentuar të hidhet nga kati i dytë i një banese për ti shpëtuar policisë italiane pas një kontrolli në banesë.

Mediat italiane raportojnë se 38-vjeçari  shqiptar, Gjergji Kokoshari për të dalë me shpejtësi  ka tentuar të largohet duke u hedhur nga kati i dytë. Ai është gjetur nga policia dhe nga veprimi i kryer ka pësuar dëmtime në këmbë dhe krah.

Policia bën me dije se në shtëpi u kapën në flagrancë duke përgatitur marijuanën të tre shtetasit: Gjergji Kokoshari, me shtetësi shqiptare, Tarek Abbassi dhe Saide Anis me origjinë tuniziane.

Në cilësinë e provës materiale u sekuestrua 3.3 kilogram marihuanë (e cila në rast shitjeje do të sigurontë 20 mijë euro) dhe 17 gram hashash. Të tre të arrestuarit u çuan në burg.