Iu mbaroi alkooli dhe e zëvendësuan me dezinfektantë duarsh, vdesin 7 persona në Rusi

Sipas mediave lokale, personat kishin qenë të pranishëm në një festë kur vendosën të pinin dezifektantin. Tre viktimat e para ishin një grua 41-vjeçare dhe dy burra 27 dhe 59 vjeç.

Në momentin që tre të parët humbën jetën personat e tjerë u dërguan me urgjencë në spital, por nuk mundën t’i mbijetonin helmimit. Ndërsa dy të fundit janë në koma dhe ndodhen në gjendje kritike për jetën.

Autoritetet shëndetësore tregojnë se shishja e dezifektanit kishte një përbërje prej 69% metanol e cila është vdekjeprurëse nëse konsumohet në sasi të mëdha.

Ata i kanë bërë thirrje njerëzve që mos t’a konsumojnë dezifektantin pasi një rast i tillë ku humbën jetën 3 persona ndodhi edhe në Qershor në New Mexico.

Policia lokale ka nisur një investigim për të hetuar dhe zbardhur shkaqet e ngjarjes.