Kryemadhi flet pér Malltezin: Éshtë i burgosur politik, Sali Berisha i përndjekur politik
Berluskoni 400 çështje, po nuk iu hoq pasaporta asnjëherë.
Deputetja e PL-së, Monika Kryemadhi ka folur për mediat pas mbylljes së seancës plenare e cila filloi dhe tensione dhe përplasje mes deputetëve të opozitës dhe mazhorancës.
Kryemadhi theksoi se sot Edi Rama i ka kthyer të gjitha institucionet e vendit në shërbim të tij, trafikut ndërkombëtar të drogës, si dhe institucionalizimit të krimit të organizuar.
Gjithashtu Kryemadhi reagoi edhe në lidhje me sulmin politik të SPAK dhe GJKKO ndaj kryedemokratit Sali Berisha dhe Jamarbër Malltezi, duke i quajtur arrestime dhe përndjekje politike.
Kryemadhi: Normal që nuk më vjen mirë që shohim përplasje të tilla. Për hir të së vërtetës demokracia dhe toleranca në Shqipëri tashmë janë të cenuara. Unë kam kuptuar se biznesi më fitimprurës në Shqipëri është fake neës, pasi bë bazë të fake neës ndërtohen paditë, narrativat politike, projektligje, pra biznesi më i fuqishëm është fake neës.
Ajo që dua të theksoi është që sot situata e lirisë dhe të drejtave të njeriut në Shqipëri është një stad që nuk përfshihet fare në asnjë sistem demokratik, as hibrid nuk mund të thuash, por sot Shqipëria është republika e drogës e cila në krye të saj ka një kryeministër i cili nuk pyet as për institucionin e presidentit as për parlamentin por të gjitha institucionet të varura apo të pavarura janë kthyer tashmë në funksion të një kryeministri i cili është garantuesi kryesor i trafikut të drogës nga Kolumbia, Venezuela, Dubai për të krijuar trekëndëshin e tij të Bermudës në Ballkan përsa i përket jo vetëm të trafikut të drogës, pastrimit të parasë por edhe të strukturimit dhe institucionalizimit të krimit të organizuar.
Unë mbështes çdo aksion opozitar edhe të juve gazetarëve.
Druri që po përdor Rama sot ndaj shqiptarëve dhe shqiptarët që e vlerësojnë ose ia shesin votën ose ai ua vjedh votën le ta zbulojnë. Kur nuk funksionon logjika nganjëherë funksionon edhe logjika e forcës.
Për mua Arbër Malltezi është i burgosur politik, Sali Berisha është i përndjekur politik. Ju e njihni Berluskonin i cili ka pasur rreth 475 çështje por nuk ia ka heq njeri pasaportën Berluskonit, as nuk e ka ndalur njeri që të dali, megjithatë ajo që unë theksoi që loja politike që përdoret është shumë e shëmtuar dhe nuk krijon ndonjë efekt, krijon efekt terror psikologjik te bizneset dhe qytetarët. Sepse janë 16 pronarë dhe pse arrestohet njëri dhe jo të gjithë.
Monika Kryemadhi pas seancës plenare të kësaj të hëne është pyetur nga gazetarët nëse ka pasur fletëthirrje në SPAK për të ose kreun e PL-së, Ilir Meta.
Kryemadhi tha se ka pasur fletëthirrje nga SPAK për çështje që lidhen me inceneratorët dhe ironizoi duke thënë se pret që ta thërrasin edhe për operacionet plastike. Po ashtu ajo u shpreh se nuk është thirrur për çështjen e lobimit.
Pyetje: A ka pasur fletëthirrje në SPAK për ju ose zotin Meta?
Monika Kryemadhi: Unë fletëthirrje kam pasur shumë nga SPAK dhe këto kanë qenë të lidhura me inceneratorin e Tiranës, Fierit dhe Elbasanit që kanë të bëjnë jo vetëm për ato denoncime dhe padi që kam ngritur unë. Nuk kam ndonjë problem edhe për çështjet e tjera. Edhe për operacionet plastike pres që të më thërrasë SPAK-u.
Pyetje: Jeni thirrur?
Monika Kryemadhi: Jo nuk jam thirrur për këtë gjë.
Pyetje: Po për çështjen e lobimit?
Monika Kryemadhi: Jo as për çështjen e lobimit.
Pyetje: Ju i druheni se SPAK-un mund të përdoret për t’ju goditur?
Monika Kryemadhi: SPAK-u normalisht, mënyra, metodologjia që është përdorur është që personat që janë me precedentë penalë bëjnë padi për njerëz të tjerë dhe OK, kanë për detyrë që t’i hetojnë dhe t’i çojnë deri në fund. Ajo që mendoj se është shumë e rëndësishme është kur procedurat dhe nuk mendoj që këtu është problem i SPAK-ut, këtu është problem i mosfunksionimit të shtetit. Po e them edhe një herë tjetër. Mua nuk më shqetëson SPAK-u. Çfarë është një prokuror? Një nëpunës. Kush ia paguan rrogën? Edi Rama. I thotë të heq gruan nga puna, të heq burrin nga puna, të bëj këtë, të bëj atë, të vë 10 polica nga mbrapa.
Pyetje: Juve thatë që keni dijeni për disa fletëthirrje në SPAK, për kryetarin tuaj të partisë keni dijeni? Ka ndonjë fletë thirrje në SPAK?
Monika Kryemadhi: Po, edhe mund të ketë, por çfarë problemi ka?
Pyetje: Për çfarë çështje?
Monika Kryemadhi: Po nuk e di, mund të ketë edhe 200 çështje. Këtu çështja është…
Pyetje: Që të sqarojmë fake news.
Pyetje: Ju për cilat keni dijeni se ka pasur disa lajme që kanë qarkulluar?
Monika Kryemadhi: Për ne fletëthirrje nuk ka, por fletëthirrje në SPAK mund të kenë edhe për dashnorët apo dashnoret e gazetarëve. Kështu që mos u shqetësoni që mund të japim llogari dhe për këto gjëra.
Keni një histori? Denonco anonimisht, identiteti juaj mbrohet.
Denonco
