Kakavijë/ 50-vjeçarja tenton të kalojë kufirin për Greqi me 40,000€ pa i deklaruar

Në Pikën e Kalimit Kufitar Kakavijë, gjatë një kontrolli në dalje të Shqipërisë ditën e sotme, iu zbuluan 41,000 euro të padeklaruara në çantë një 50-vjeçareje. Gruaja me inicialet Zh. D. e cila udhëtonte me një shumë të konsiderueshme parash me vete, nuk i kishte deklaruar në kufi në përputhje me kërkesat ligjore.

Pas këtij zbulimi, u iniciua një procedim penal ndaj 50-vjeçares me banim në Greqi, nën akuzën e “Mosdeklarimit në kufi të të hollave dhe sendeve me vlerë”.

Paratë u sekuestruan si provë materiale dhe çështja iu referua Prokurorisë pranë Gjykatës së Shkallës së Parë të Juridiksionit të Përgjithshëm në Gjirokastër për hetime të mëtejshme.