Kalon me sukes vettingun, prokurori i Tiranës Albert Demirneli konfirmohet në detyrë

Ai rezultoi pa probleme në të trija kriteret ndërsa arriti të bindë trupën gjykuese pas kalimit të barrës së provës mbi pyetjen se pse kishte përfituar statusin e të pastrehut ndërkohë që rezultonte pronar de jure në masën 1/6 në një apartament në qytetin e Burrelit. Demirneli bindi trupën gjykuese se ai kishte hequr dorë nga kjo pronësi që nga viti 1993 pasi ishte zhvendosur një dekadë më parë në Tiranë si student.

Trupi gjykues i KPK për këtë subjekt përbëhej nga Olsi Komici kryesues, Firdes Shuli relatore dhe Brunilda Bekteshi anëtare. Në cilësinë e vëzhguesit ndërkombëtar ishte i pranishëm Theo Jacobs.
Albert Demirneli ka një karrierë të gjatë në sistemin e drejtësisë dhe punon prej gati dy dekadash si prokuror në Prokurorinë e Tiranës. Më parë ka mbajtur edhe pozicionin e zv.prokurorit të rrethit.