KÇK me tender nga Mirlinda Karçanaj, 600 milionë për mirëmbjatje të zyrave të Gjendjes Civile

Mirlinda Karçanaj është drejtoresha rilindase e AKSHI-t, Agjencisë Kombëtare të Shoqërisë së Informacionit. Siç është e kuptueshme, gjykuar nga mënyra se si ajo i jep tenderat, zonja në fjalë shërben thjesht si një kukull e cila firmos tendera lart e poshtë me urdhër nga lart për të kënaqur orekset e oligarkëve në prag fushate.

Në këtë kuadër, drejtoreshë Mirlinda ka organizuar tenderin e rradhës. Ky tender ka numër reference REF-89382-03-09-2021 dhe ka si objekt “Mirëmbajtja e infrastrukturës së pajisjeve elektronike të zyrave të gjendjes civile- për DPGJC”. Siç shikohet qartë, tenderi është për shërbime, e thënë shqip, për mirëmbajtje të kompjuterëve të zyrave. Me pak fjalë, manovra e zakonshme për të përfituar para.