KLP kthen tek Krimet e Rënda prokurorët e Shullazit, sepse fituan gjyqin ndaj Arta Markut

Prokurorët Besim Hajdarmataj dhe Olsian Çela do të kthehen në detyrën e tyre të mëparshme si prokurorë pranë Krimeve të Rënda.

Vendim është marrë sot në mbledhjen e KLP, që ka vendosur që të kthehej tek Krimet e Rënda dy prokurorët të cilët ishin transferuar në rrethe nga Kryeprokurorja Arta Marku.

Dy ish-drejtuesit e Prokurorisë së Krimeve të Rënda, Olsian Çela dhe Besim Hajdarmataj, fituan gjyqin me Kryeprokuroren Arta Marku në Gjykatën Administrative, në fund të muajit dhjetor.