Koalicioni ‘Djathtas për Zhvillim” dorëzon i fundit listat në KQZ, Shehi dhe Alibeaj kandidojnë në Tiranë

Koalicioni Djathtas për Zhvillim ishte i fundit që dorëzoi listat me 186 emrat e kandidatëve për deputetë në zgjedhjet e 11 majit.

Bie në sy përfshirja në listat e sigurta për 12 qarqe të të afërmve të drejtuesve politikë të partive, kryesisht familjarë, me qëllim për t’i djegur dhe mbajtur premtimin për listat e hapura.

Koalicioni përbëhet nga LZHK dhe “Djathtas 1912” që kanë formuar Koalicionin Djathtas për Zhvillim.

Deputetët Dashamir Shehi i LZHK-së dhe Enkelejd Alibeaj i ‘Djathtas 1912” do të jenë në listën e hapur të qarkut Tiranë. Kurse kryetari i koalicionit që është regjistruar në KQZ, Rezart Kthupi është regjistruar në listën e Durrësit.