Komisioni i Emërimeve në Drejtësi diskuton nesër ndërhyrjen e Spiropalit në mandatin e GJK

Më 1 nëntor, Komisioni i Emërimeve në Drejtësi (KED) do të mbajë një mbledhje ku, përveç shqyrtimit të kandidaturave për vendin vakant në Gjykatën Kushtetuese, do të diskutohet edhe për kohëzgjatjen e mandatit të këtij anëtari.

Ndërkohë që detyra kryesore e KED-së është shqyrtimi i kandidaturave, duket se ndërhyrjet e Kryetares së Kuvendit, Elisa Spiropali, në kushtetutë kanë ngjallur shqetësim. Sipas burimeve të VNA, vetë KED-së, dy javë më parë në një mbledhje rutinë ka kërkuar shkresën zyrtare të Kuvendit ku zonja Spiropali ka ndërhyrë për të zgjatur mandatin e vakancës së Elsa Toskës nga viti 2025 deri në vitin 2028.

Mbledhja e nesërme pritet të sjellë reagimin e parë zyrtar të një institucioni të drejtësisë për këtë shkelje kushtetuese nga ana e kryetares së Kuvendit. Ndërsa pjesa më e madhe e politikës dhe medias ka heshtur në lidhje me këtë ndërhyrje, Gjykata Kushtetuese pritet të përballet me sfida të rëndësishme, si çështja e përgjimeve të Sky enchro dhe masa e sigurisë së SPAK për Sali Berishën.