Konflikti/ Eksperti amerikan: Edhe nëse Rusia tërhiqet në lindje të Ukrainës, lufta mund të zgjasë gjatë

Eksperti amerikan Michael Kofman ka deklaruar se edhe nëse Rusia tërhiqet deri në Ukrainën juglindore, luftimet mund të vazhdojnë për muaj të tërë.

Sipas ekspertit për ushtrinë ruse dhe drejtorit të  programit të studimeve për Rusinë në Qendrën për Analizën Detare, në Uashington DC., Michael Kofman ka paralajmëruar se një lufta midis forcave ruse dhe atyre ukrainase në lindje të vendit mund të zgjasë me muaj, madje edhe më gjatë.

Ndërkaq, informacionet që vijnë nga përplasja ushtarake Rusi-Ukrainë tregojnë se Rusia po zhvendos disa nga forcat e saj nga Kievi dhe me sa duket po braktis për momentin ëndrrën e saj për të pushtuar kryeqytetin ukrainas.