Kontrolle në lokale dhe automjete për armë dhe persona në kërkim

Forcat RENEA kanë zbarkuar në qytetin e Elbasanit dhe Vlorës. Mësohet se mbrëmjen e sotme janë zhvilluar kontrolle nëpër lokale dhe makina.

Në fokus te ketij aksioni janë persona në kërkim që qarkullojnë me armë ose me lëndë narkotike.

Kujtojme qe drejtori i Policisë së Shtetit, Gledis Nano mblodhi një ditë më parë drejtorët e qarqeve ku iu dha direktiva për kontrolle në territor, në kuadër të ruajtjes së rendit dhe të sigurisë.

Nano dha 4 porosi, zbardhja e ngjarjeve kriminale, bashkëpunimi për kapjen e personave me precedentë, bllokimi i makinave të vjedhura dhe parandalimi i aksidenteve.