Koronavirusi: 3000 profesionistë të shëndetit i përgjigjen thirrjes së ministrisë për të shërbyer
Ministrja e Shëndetësisë Ogerta Manastirliu mëngjesin e sotëm ka dhënë një lajm të mirë, ku bën me dije se 3000 mjekë, infermierë, farmacistë, stomatologë, profesionistë të shëndetit publik dhe studentë i janë përgjigjur thirrjes së ministrisë për shërbyer në rast nevoje për përballimin e situatës së krijuar prej koronavirusit.
“Edhe një tjetër shembull solidariteti dhe sakrifice nga profesionistët e shëndetit. 3000 mjekë, infermierë, farmacistë, stomatologë, profesionistë të shëndetit publik dhe studentëtë #mjekësisë i janë përgjigjur thirrjes së Ministrisë së Shëndetësisë dhe Mbrojtjes Sociale për të shërbyer në rast nevoje për përballimin e kësaj situate!
Me një organizim shembullor të strukturave të shëndetësisë dhe universitetit të Mjekësisë, në bashkëpunim me universitetet rajonale, ka nisur #trajnimi i profesionistëve të shëndetit në #Vlorë dhe #Elbasan. #BashkëJaDalim”, shkruan Manastirliu në ‘facebook’.
Keni një histori? Denonco anonimisht, identiteti juaj mbrohet.
Denonco
