Kreu i Policisë së Shtetit, VonHorn zbarkon në Ministrinë e Brendshme

E dërguara me punë e Shteteve të Bashkuara, Nancy VanHorn, është paraqitur në ambientet e Ministrisë së Brendshme, në një moment kyç për drejtimin e Policisë së Shtetit.

Vizita e saj përkon me nisjen e fazës së intervistimit për kandidatët që garojnë për postin e Drejtorit të Përgjithshëm të Policisë, pas largimit nga detyra të Ilir Prodës.

Procesi i përzgjedhjes po zhvillohet sipas rendit alfabetik, ndërsa i pari që është paraqitur për intervistë ka qenë Afrim Tafa, aktualisht në krye të Policisë së Durrësit.

Në total, janë 14 kandidatë në garë për drejtimin e institucionit më të lartë të rendit në vend:

• Afrim Tafa
• Alfred Çepe
• Arjanit Arapi
• Elidon Çela
• Gentian Berberi
• Gentjan Shehaj
• Idajet Faskaj
• Lorenc Panganika
• Neritan Nallbati
• Pëllumb Seferi
• Rebani Jaupi
• Saimir Boshnjaku
• Skënder Hita
• Tonin Vocaj

Intervistimet pritet të vijojnë edhe në ditët në vijim, ndërsa në përfundim të këtij procesi do të përzgjidhet drejtuesi i ri i Policisë së Shtetit, një pozicion kyç për sigurinë dhe rendin publik në vend.