Krujë, eksploziv makinës së kryetarit të Njësisë Administrative

Hidhet në erë me eksploziv makina e kryetarit të Njësisë Administrative Fushë-Krujë

Një ngjarje e rëndë ka ndodhur mbrëmjen e sotme në Fushë-Krujë, ku makina e kryetarit të Njësisë Administrative është shpërthyer me eksploziv.

Sipas burimeve , automjeti tip “Range Rover” ndodhej i parkuar në parkingun e një restoranti kur një sasi eksplozivi ka shpërthyer në pjesën e përparme të tij.

Fatmirësisht nuk raportohet për persona të lënduar, ndërsa dëmet materiale janë të konsiderueshme. Policia ka rrethuar zonën dhe po punon për identifikimin e autorëve dhe zbardhjen e motivit të ngjarjes.

Hetimet janë në vijim dhe ende nuk ka detaje të tjera mbi identitetin e autorëve apo llojin e lëndës plasëse të përdorur.