Kush janë rivalët e mundshëm të Shqipërisë në “Play Off”

Fitorja historike 0-1 ndaj Serbisë në Leskovac e ka afruar Kombëtaren shqiptare ndjeshëm me Play Off-in e Kupës së Botës 2026. Tashmë, me një fitore ndaj Andorrës, kuqezinjtë do të siguronin matematikisht pjesëmarrjen në fazën vendimtare për një biletë drejt Amerikës.

Edhe pse ndarja zyrtare e vazove nuk është bërë ende, parashikimet kanë nisur. Faqja e specializuar në statistika, “Football Meets Data”, ka publikuar një skenar të mundshëm të shortit.

Sipas tyre, Shqipëria ka gjasa të përfundojë në vazon e tretë, përkrah ekipeve si Hungaria, Sllovakia dhe Bosnja Hercegovina. Kjo do të thotë se kuqezinjtë do të përballen me një ekip nga vazoja e dytë, ku për momentin renditen emra si Polonia, Çekia, Hungaria dhe Skocia.

Rregullorja parashikon katër çifte gjysmëfinale, nga ku do të dalin dy finalistë, dhe në fund — vetëm dy ekipe do të sigurojnë kualifikimin për në Botëror.

Rruga është ende e gjatë dhe asgjë nuk është e sigurt, por pas fitores kundër Serbisë, ëndrra është më afër se kurrë.