Krimet e Rënda çojnë në gjykatë “Habilajn”, dy letërporosi për Saimir Tahirin

Prokuroria e Krimeve të rënda ka përfunduar hetimet për grupin e Moisi Habilajt dhe ka dërguar dosjen në gjykatë për 9 anëtarët e grupit Habilaj.

Sa i takon ish-ministrit të Brendshëm, Saimir Tahiri i akuzuar për bashkëpunim me Habilajt, prokuroria ende nuk ka përfunduar hetimet.

Afati i hetimeve për Tahirin skadon më 17 janar.

Burime thonë se prokuroria do të kërkojnë sërish afate të reja për hetimin ndaj tij, ndërsa pjesëtarët e tjerë të grupit ‘Habilaj’ do të përballen me akuzat ndaj tyre në gjykatë.

9 të pandehurit, Mojsi Habilaj, Florjan Habilaj Armando Kocerri, Fatmir  Minaj, Nezar seiti, Sabaudin Cela, Tigrens Mezuaraj, Maridjan Sulaj Armando Sulaj kanë përfunduar në Gjykatën e Krimeve të Rënda.

Disa prej të akuzuarve ndodhen në Itali e disa në Shqipëri.

Ata akuzohen për disa vepra të rënda penale, si krijim dhe drejtim të organizatës kriminale, trafik ndërkombëtar të lëndëve narkotike etj.