Luan Baçi përfundon në SPAK

Deputeti i Partisë Demokratike, Luan Baçi, është paraqitur këtë të premte në Prokurorinë e Posaçme kundër Korrupsionit dhe Krimit të Organizuar (SPAK).

Baçi është thirrur për t’u paraqitur pranë organit të akuzës dhe ka mbërritur në ambientet e SPAK i shoqëruar nga avokati i tij, Sokol Mëngjesi.

Deputeti demokrat është paraqitur në Prokurorinë e Posaçme në kuadër të një çështjeje për të cilën pritet të japë sqarimet e tij përpara hetuesve.

Për momentin, nuk janë bërë të ditura zyrtarisht detaje të tjera lidhur me arsyen konkrete të thirrjes së tij apo përmbajtjen e veprimeve procedurale që pritet të kryhen.

Pas daljes nga SPAK, pritet që Baçi të japë më shumë informacion në lidhje me arsyen e paraqitjes së tij dhe çështjen për të cilën është thirrur.