Macron flet për bisedimet Kosovë-Serbi me Vuçiç:Me rëndësi gjetja e një zgjidhjeje për të cilën pajtohen të dy palët

Presidenti i Francës, Emmanuel Macron, ka thënë sot në Paris se në bisedimet mes Kosovës dhe Serbisë, është me rëndësi gjetja e një zgjidhjeje për të cilën pajtohen të dy palët.

“Zgjidhja e vetme që do të çojë përpara këtë çështje, dhe kjo është një çështja thelbësore për vendin dhe popullin tuaj, e këto janë zgjidhjet për të cilat janë pajtuar dy palët, që janë të njohura dhe që do të na mundësojnë që përfundimisht të zgjidhim këtë çështje të rëndësishme që është në qendër të Evropës sonë”, deklaroi Macroni para takimit me presidentin serb, Aleksandar Vuçiç, raporton agjencia serbe e lajmeve “Beta”, transmeton Zeri.info.

Ai u tha gazetarëve në Paris se do të angazhohet më shumë dhe do të ofrojë mbështetje për të gjithë që janë të interesuar që çështja mes Kosovës dhe Serbisë të zgjidhet.