Maliq/ Dëshmia e banores që shpëtoi 7-vjeçaren: I moshuari ishte gjysmë i zhveshur, ndërsa e mitura…

Zbardhen detaje të reja në lidhje me ngjarjen e rëndë të ndodhur në Maliq ku një 71-vjeçar ka ngacmuar seksualisht një vajzë të mitur.

Ka qenë një nga banoret ajo që e ka shpëtuar vajzën.

Dëshmia e saj:
Ishte mesditë rreth orës 13:30, pashë nga larg një situatë të sikletshme.
P.L, kishte shkuar në këndin e lojërave në shkollën e fshatit dhe kishte tërhequr me vete edhe vajzën e mitur.
Të dy i njoh se janë banorë të fshatit, shkoj menjëherë aty për të parë çfarë po ndodhte sepse nga larg nuk isha shumë e sigurt.
Kur shkoj aty pashë tmerr me sy, të moshuarin e pashë gjysmë të zhveshur edhe vajzën gjithashtu.
Ishte gati për të kryer marrëdhënie seksuale, po e tërhiqte vajzën e mitur drejt vetes, unë nuk e lashë, e mora vajzën direkt. Shyqyr që nuk ndodhi asgjë, vajza është shumë mirë përveç se ka pësuar traumë nga ngjarja. Ndërkohë, 71 vjeçarin e goditi dy herë me grusht edhe një banor tjetër pasi mësoi për ngjarjen.
Nga ana tjetër sipas burimeve nga policia po hetohet nëse 71 vjeçari e kishte ngacmuar edhe herë të tjera dhe nëse i ka ofruar lekë vajzës pasi sipas banorëve vajzën e ka ngacmuar për ditë me radhe duke i thënë se do t’i jepte lekë.

Njoftimi

Komisariati Maliq

E rëndë në Maliq, 71-vjeçari me iniciale P.L tenton të abuzojë seksualist me një 8-vjeçare

Nga informacionet paraprake, mësohet se ka qenë babai i vajzës, i cili ka denoncuar në polici rastin. Sipas deklarimeve, bëhet me dije se i moshuari me iniciale P.L. e ka zhveshur 8-vjeçaren me qëllim kryerjen e marrëdhënieve seksuale.

Mësohet se ka qenë një vajzë tjetër më e rritur në moshë, që i ka parë në këndi i lojrave të shkolla e fshatit dhe ka ndërhyrë menjëherë për të larguar të moshuarin.

Sipas banorëve, i moshuari ka qenë i martuar, me dy fëmijë. Bashkëshortja me fëmijët e tij ndodhen jashtë vendit, ndërsa ai jetonte i vetëm në shtëpi.

68-vjeçari ra në prangat e policisë ndërsa ka nisur edhe hetimi për rastin.