Maqellarë/ Qëllohet me armë mbi drejtues të shtabit elektoral të opozitës

Përditësuar më 13 Maj 2023, 01:45

Një ngjarje e rëndë ka ndodhur mbrëmjen e kësaj të premte, teksa po i drejtoheshim heshtjes zgjedhore. 

Bëhet e ditur se në fshatin Kllobçisht të Maqellarës janë kërcënuar me jetë mbështetësit e PD. 

Sipas denoncimit të bërë nga drejtues të shtabit të koalicionit “Bashkë Fitojmë” Maqellarë, dyshohet se është qëlluar me armë zjarri nga një makinë, ku ndodhej edhe drejtori i DRSSH, Erger Kosiqi.

Një makinë me targa italiane BX439CW ka qëlluar në ajër dhe është larguar.

Nga ana e anëtarëve të shtabit elektoral është njoftuar policia.

Kosiqi me njerëzit e tij kanë kërcënuar kandidatin për anëtar të këshillit bashkiak të bashkisë Dibër, Hajrulla Hoxha, i koalicionit “Bashkë Fitojmë”.