Mbahet Asambleja Kombëtare e PS, Gjiknuri: Garën nuk e kemi me të tjerët, por me veten

Zhvillohet Asambleja Kombëtare e Partisë Socialiste, ku në fokus janë vendimet të Kongresit. Sekretari i Përgjithshëm i PS Damian Gjiknuri deklaroi se na pret një punë intensive për riorganizimin.

“Proces riorganizimi në Partinë Socialiste. Do përcaktojmë axhendën deri në zgjedhjet vendore. Kongresi i PS, shumë i suksesshëm dhe inovativ. Reforma i shërben rifreskimit dhe organizimit. Qenia gjatë në pushtet ka risqe, duhet riorganizimi. Garën nuk e kemi me të tjerët, por me veten”, deklaroi Gjiknuri

Në Asamble pritet të ratifikohen disa nga ndryshimet statutore, e po ashtu do të miratohet ndërprerja e mandatit të kryetarëve aktual të degëve të PS në 61 bashkitë e vendit dhe do të vijohet me procesin e ri.

Në mbledhjen e Asamblesë pritet të ketë diskutime për përzgjedhjen e Presidentit të ri të Republikës.

AXHENDA
Ditën e Shtunë, datë 07.05.2022, ora 10:00, në mjediset e kompleksit “Xibraku” në Tiranë do të zhvillohet mbledhja e Asamblesë Kombëtare të Partisë.

Rendi i ditës së mbledhjes do të jetë:
Hapja e punimeve të Asamblesë nga Sekretari i Përgjithshëm z.Damian Gjiknuri.

Fjala e Kryetarit të Partisë Socialiste z.Edi RAMA.
Sesioni organizativ

Prezantimi i ndryshimeve në Librin e Rregullave në zbatim të Statutit të ri të miratuar në Kongresin e datës 9.04.2022.

Propozime/shtesa në draftet e rregulloreve dhe votimi i tyre.
Miratimi i agjendës politiko/organizative dhe plan-veprimi i strukturave deri në zgjedhjet vendore 2023.

Prezantimi dhe miratimi i projektvendimit për kuotizacionin e anëtarësisë së partisë për vitin 2022.

Vendimi për plotësimin e vendeve vakante në Asamblenë Kombëtare.
Diskutime të lira

Mbyllja e punimeve të Asamblesë.