MBI 1 MILION E 600 MIJË SHQIPTARË VOTUAN NË LOKALET E 2015-ËS!

Teksa pritet vendimi i Kolegjit Zgjedhor lidhur me anullimin e dekretit të Metës, palët duken të palënkundura në qendrimet e tyre.

Kryeministri Edi Rama mblodhi sot kryesinë e PS duke u shprehur i vendosur drejt 30 qershorit ndërsa tashmë edhe kreu i opozitës Lulzim Basha ka mbledhur në selinë e PD aleatët e tij.

Sidoqoftë, nëse do shkohej drejt 30 qershorit, këto do ishin zgjedhjet më të pazakonta në historinë e lokaleve në Shqipëri.

E për këdo, do të ishte më interes të dihej se sa do të ishte pjesëmarrja këtë herë në votime, në një kohë kur kemi opozitën jashtë sistemit, pa asnjë kandidat në 61 bashkitë e vendit.

Ndërkaq, ne po sjellim në vëmendje pjesëmarrjen në lokalet e 2015-ës, sipas statistikave nga çdo bashki.

Në 21 qershor 2015, numri i pjesëmarrësve në zgjedhje ka qenë 1 613 054 ose e përkthyer në përqindje, kanë votuar 47.83% e zgjedhësve.