Mbytja e turistes angleze në Sarandë/ Arrestohet organizatori i ekspeditës nënujore: E kishte punësuar ilegalisht

Dje u konstatua e pajetë në Sarandë një 29-vjeçare nga Anglia, Rebecca Gannon.

Kjo e fundit është gjetur e mbytur në vendin e quajtur “vapori i mbytur”.

Ajo ka qenë në një ekspeditë zhytjeje në Sarandë.

Ndërkohë pas ngjarjes, Policia Vlorë, ka vënë në pranga një 54 vjeçar në Sarandë konkretisht organizatorin e ekspeditës nënujore.

45-vjeçari me incialet S.K, e kishte punësuar në mënyrë të paligjshme instruktoren e zhytjes, në grupin e tij të punës, si dhe nuk ka siguruar kushtet e nevojshme teknike për zhytje.

Organizatori i ekspeditës nënujore do të hetohet për veprat penale “Shkelja e rregullave të mbrojtjes në punë” dhe “Punësimi i paligjshëm”.

Njoftimi i policisë:

DVP Vlorë

Nga specialistët për Hetimin e Krimeve në Komisariatin e Policisë Sarandë u arrestua në flagrancë shtetasi S. K., 45 vjeç, banues në Sarandë, për veprat penale “Shkelja e rregullave të mbrojtjes në punë” dhe “Punësimi i paligjshëm”, pasi ditën e djeshme, në vendin e quajtur “Vapori i mbytur”, gjatë ekspeditës së zhytjes, me përgjegjës këtë shtetas, është mbytur shtetasja angleze R. G., 29 vjeçe. Nga verifikimet ka rezultuar se shtetasi S. K. e kishte punësuar në mënyrë të paligjshme instruktoren e zhytjes, në grupin e tij të punës, si dhe nuk ka siguruar kushtet e nevojshme teknike për zhytje.

Materialet i kaluan Prokurorisë, për veprime të mëtejshme.