Pse u anullua vizita e Kryeministrit Izraelit Banjamin Netanjahu në Shqipëri?

Dëbimi i dy diplomatëve Iraniane dje, ka hedhur edhe dritë mbi anulimin e vizitës së kryeministrit izrealit në Tiranë

Ata dyshohet që të kishin gisht në një plan për të sulmuar Kombëtaren e Izraelit në ndeshjen që ata do të zhvillonin me Kombëtaren shqiptare në 2016.

Sipas mediave të huaja ndërhyrja e shpejtë e shërbimeve amerikane dhe atyre izraelite ka bërë të mundur shmangjen e një kasaphane të mundshme.

Një burim diplomatik bëri të ditur se mos zbatimi i kërkesës për dëbimin e diplomatëve nga qeveria shqiptare solli dhe anulimin e vizitës së kryeministrit të Izraelit, Benjamin Netanjahu në Tiranë.

Në datën 1 nëntor, ishte planifikuar që në Tiranë të mbërrinte kreu i qeverisë së Izraelit, e para vizitë e një niveli kaq të lartë në Shqipëri. Por në momentin e fundit vizita u anulua, pa dhënë asnjë arsye të fortë në opinion. Siç rezulton më vonë nga zhvillimi i ngjarjeve, motivet e anulimit të vizitës lidhen pikërisht me mos zbatimin e kërkesë së SHBA dhe aleatëve për dëbimin e diplomatëve iranianë.

Vetëm dje qeveria shqiptare mori vendimin për shpalljen “non grata” të dy diplomatëve. Një vendim që në kohë rekord u mbështet nga dëgjuesit më të lartë të SHBA. Nuk dihen ende motivet se përse qeveria shqiptarë ka refuzuar për një kohë kaq të gjatë dëbimin e dy diplomatëve që për NATO dhe partnerët e tjerë të rëndësishëm kanë pasur lidhje me terrorizmin.