Me avionin personal , Rama shkon për një seminar në Beograd

Deputetët e kërkonin në Kuvend, por kryeministri Edi Rama ishte sërish në fluturim me çarterin privat. Ai mbërriti në Beograd me avionin e tij personal.

Vizita e tij në kryeqytetin serb nuk është e ndonjë rëndësie të veçantë, ai do jetë i pranishëm në një seminar për energjinë e rinovueshme.

Rama ka postuar një foto nga mbërritja në Beograd me avionin personal.

Por sapo komentuesit nisën që të theksojnë një gjë të tillë, se si kryeministri i vendit më të varfër shkon me çarter ngado, komentet u fshinë.

Kujtojmë se kjo vizitë vjen në kohën kur Aleksandër Vuçiç ka deklaruar se është vëlla me Vladimir Putinin dhe rusët dhe se nuk do e prishë këtë miqësi.