Meta me përfaqësues të shoqërisë civile: I kemi mundësitë për zgjedhje si Kosova, çdo qytetar që nuk voton nuk ka të drejtë që të ankohet

Meta është shprehur se nuk pritet që të kemi zgjedhje si Danimarka, por që kemi mundësi t’i zhvillojmë si ato të Kosovës apo Maqedonisë së Veriut.

“S’jam naiv të pretendoj zgjedhje si na Danimarkë apo në Suedi për momentin të ardhmen pse jo. Por i kemi të gjitha mundësitë si popull si institucione ti ngjajmë Kosovës apo Maqedonisë së Veriut në zgjedhjet e fundit.

Çdo përgjumje apo indiferencë nuk i shërben demokracisë dhe asnjë qytetari për të qenë më aktiv. Unë kam besim se çdo qytetar që nuk voton nuk ka të drejtë që të ankohet. Për fat të keq çdo qytetar e shkëmben votën e tij në favore të caktuara dhe e shet votën e tij e ka humbur të drejtën e llogaridhënies ndaj atyre që i ka ofruar  favorin”, ka thënë Meta.