Polici i shkarkuar nga detyra në policinë e Minneapolis, Derek Chauvin, është arrestuar katër ditë pas ngjarjes fatale ku George Floyd u arrestua dhe u dhunua deri në vdekje. Kjo gjë ngjalli protesta, trazira dhe zemërime nëpër qytet dhe gjithë vendin.
Në qytetin e Minneapolis protestat janë të dhunshme, më qytetarët që i kanë vënë flakën 3 komisariateve të policisë dhe shumë ndërtesave të tjera.
Por ajo që është zbuluar ditën e djeshme është vërtetë tronditëse, pasi protestuesit mbajnë në dorë pankarta ku tregohen disa vrasje apo plagosje të tjera ku oficeri Derek Chauvin ka qenë protagonist, por ia ka hedhur pa u lagur.
Sipas protestuesve teknika e përdorur nga Chauvin, që vendosi gjurin mbi qafën e 46 vjeçarit George Floyd, i cili fatkeqësisht gjeti vdekjen pasi nuk mund të merrte frymë, nuk është pjesë e trajnimit të policisë, që do të thotë se oficeri ka shkelur ligjin.
Ata akuzojnë edhe shtetin se ky oficer po mbrohet nga avokati Tom Kelly, i njëjti avokat që shpëtoi nga burgu oficeri Jeronimo Yanez, pasi ky i fundit qëlloi për vdekje një afro-amerikan.
Oficeri Derek Chauvin ka qenë i pezilluar në vitin 2011 për sjellje jo të mirë pasi goditi qytetarin nga Alaska, Leroy Martinez, ndërsa në vitin 2008 ka goditur një 21 vje♪5ar me ngjyrë, i cili ishte i paarmatosur.
Por nuk është mjaftuar me kaq, pasi Chauvin është një nga oficerët që vrau Ëayne Reyes, një latino-amerikan që mori 16 plumba nga policia.
Në vitin 2005 Chauvin është përfshirë në një aksident me makinë duke shkaktuar vdekjen e 3 personave.
Protestuesit ne Minneapolis vjedhin dhe shkaterrojne dyqanin e Louis Vuitton ne Portland, SHBA
Vjedhje dhe shkatërrim masiv, djegie godinash dhe makinash. Kaos total. Kjo është pamja e mbrëmjes së djeshme në Portland, Oregon, ku protestuesit kanë thyer dhe plackitur një nga dyqanet më të mëdhenj të kompanisë Louis Vuitton në qendrën tregtare të qytetit.
Policia në Portland thotë se ka qëlluar një person gjatë përplasjes me protestuesit, ndërkohë që pamjet që vijnë nga Portland, tregojnë njerëzit që thyejnë xhamat dhe futen e vjedhin gjithcka nga një dyqan I ouis Vuitton në qendrën tregtare.
Aty, protestuesit, nuk kanë moshë dhe ngjyrë. Pasi thyejnë dyqanin, sic shihet nga video, dalin të gjithë pasi kanë plackitur artikuj të ndryshëm nga dyqani.
Njerëzit janë duke protestuar në gjithë Amerikën, pas vdekjes së 46 vjeçarit George Floyd, që vdiq në Minneapolis pasi një polic vendosi gjurin në qafën e tij derisa Floyd për mungesë frymëmarrje, humbi jetën.
Kryebashkiaku I Portland Wheeler shkroi një twitter ku I lutej protestuesve të qëndronin paqësorë sepse asgjë nga dhuna nuk I shërbente komunitetit.
Ndërkohë presidenti Donald Trump ka nxjerrë nëpër rrugët e SHBA Gardën Kombëtare për të shuar protestat e dhunshme.
