Ministri Peleshi shkarkon drejtorin e Bordit të Kullimit

Ministri i Bujqësisë, Niko Peleshi ka shkarkuar drejton e sapoemëruar të Bordit të Kullimit në Korçë, Nexhip Merollin.

Ne deklaraten e ministrise se Bujqesise thuhet se “Duke marrë në konsideratë faktin e bërë publik, se drejtori i Drejtorisë së Ujitjes dhe Kullimit për rajonin Korcë-Elbasan-Berat, rezulton fajtor me një vendim të formës së prerë (fakt për të cilin nuk është marrë dijeni në momentin e emërimit të tij) Ministri i Bujqësisë dhe Zhvillimit Rural, Niko Peleshi, vendosi largimin e tij të menjëhershëm nga detyra.

Qeveria e Shqiperisë s’ka pasur, s’ka dhe s’do të ketë asnjë lëkundje në mbrojtjen e pastertisë së figurës, së çdo zyrtari në varësinë e pushtetit ekzekutiv. Ministria e Bujqësisë dhe Zhvillimit Rural, falenderon dhe inkurajon çdokënd që hedh dritë mbi fakte të kësaj natyre, në funksion të moscënimit të figurës së zyrtarit të shtetit nga asnjë hije e të shkuarës në raport me ligjin.”

Shkarkimi është bërë pas denoncimit të bërë nga LSI, ku thuhej se Merolli është i dënuar me vendim të formës së prerë nga Gjykata e Korçës, por kjo nuk e ka ndaluar kryeministrin ta emërojë në postin e rëndësishëm./ CNA.al

Më shumë nga Lajme

Zëri yt bëhet lajm.