Ministria e Jashtme e Kosovës për policët e arrestuar: Po privohen nga uji dhe buka!

Po trajtohen në mënyrë çnjerëzore nga Serbia

Ministria e Punëve të Jashtme dhe Diasporës në Kosovë ka deklaruar se policët të cilët janë rrëmbyer nga forcat serbe po përballen me keqtrajtim. Shefi i stafit në këtë ministri, Sharr Jakupi, ka njoftuar se policët janë privuar nga ushqimi dhe uji dhe janë trajtuar në mënyrë krejtësisht çnjerëzore nga autoritetet serbe. Ai ka bërë thirrje komunitetit ndërkombëtar që të dënojë këto veprime dhe t’i bëjë presion Serbisë për të liruar menjëherë policët e rrëmbyer. Zyra Ndërlidhëse e Kosovës në Beograd ka alarmuar autoritetet serbe dhe komunitetin ndërkombëtar për nevojën e trajtimit mjekësor, por është injoruar nga autoritetet serbe. Situata kërkon veprime dhe ndërhyrje urgjente për të garantuar mirëqenien dhe lirinë e policëve të rrëmbyer.