Moti i keq, shumë fshatra në Lezhë pa energji elektrike

Disa fshatra në qarkun e Lezhë vijojnë të jenë pa energji elektrike që prej mbrëmjes së kaluar, duke krijuar vështirësi serioze për banorët e zonës.

Sipas informacioneve nga terreni, pa furnizim me energji kanë mbetur zona si Balldren, Torovicë, Malecaj, si dhe disa fshatra të tjerë përreth.

Ndërprerja e zgjatur e energjisë ka sjellë probleme në familje, biznese të vogla dhe aktivitete bujqësore, ndërsa mungesa e informacionit zyrtar ka rritur shqetësimin e banorëve.

Deri në këto momente nuk ka një njoftim zyrtar lidhur me shkakun e ndërprerjes apo me afatin e rikthimit të energjisë elektrike. Banorët kërkojnë ndërhyrje të menjëhershme dhe një reagim transparent nga institucionet përgjegjëse për të normalizuar situatën sa më parë.