Ndryshimet në ligjin e medias, Reporteri i Shqipërisë në BE: Unioni e ka bërë të qartë, ligjet të jenë në përputhje me rekomandimet e “Venecias”

Reporteri i Shqipërisë në Bashkimin Evropian, David Lega shprehet se ndryshimet në ligjin e medias në Shqipëri janë bërë sërish pjesë e parlamentit në vendin tonë.

Përmes një postimi në rrjete sociale, ai shkruan se është surprizuar që këto amendamente të cilat janë kritikuar rëndë, të jenë sërish në shqyrtim.

Ai thotë se BE është treguar e qartë se amendamentet duhet të jenë në përputhje me rekomandimet e Komisionit të Venecias përpara se të merren ne konsideratë.

Postimi i David Legës:

Jam surprizuar kur mësova se amendamentet e ligjit për median në Shqipëri (të cilat janë kritkuar rëndë) ishin pjesë e axhendës së Parlamentit shqiptar. BE ka qenë e qartë: Ligjet e medias duhet të jenë në përputhje me rekomandimet e Komisionit të Venecias, përpara se të merren në konsideratë.