“Në Ukrainë po bombardohen shtëpitë e spitalet”, doli kundër luftës, nis hetimi ndaj opozitarit rus

Një nga politikanët e opozitës në Rusi po hetohet për tradhti.
Lajmi është bërë i ditur nga Agjencia shtetërore e lajmeve RIA, e cila ka raportuar se hetimin për politikanin Vladimir Kara-Murza, ka nisur pas një fjalimi të tij.

Në fjalën e tij në Dhomën e Përfaqësuesve të Arizonës Vladimir Kara-Murza, kishte deklaruar se Presidenti Vladimir Putin po bombardonte shtëpitë, spitalet dhe shkollat e Ukrainës.

Avokati i tij u shpreh se një akuzë e tillë merr një dënim i cili shkon deri në 20 vite burg.

Kujtojmë se Moska pretendon se në “operacionin special” në Ukrainë nuk ka qëllim goditjen e civilëve apo infrastrukturës civile, por se që nga nisja e agresionit mijëra ukrainas kanë humbur jetën.