“Nëse del 0 me 1…”, arbitri mban fjalën dhe zhvishet në studio

Më 8 tetor, ish-arbitri Lorenc Jemini bëri një premtim të pazakontë lidhur me zhvillimin e ndeshjes Serbi–Shqipëri. Ai tha se nëse Shqipëria do të fitonte me rezultatin minimal 0-1, do të zhvishej live në studion e emisionit “Paso”.

Pjesë nga deklarata e tij:

Lorenc Jemini: “Unë dua që ndeshja të dalë me rezultatin 0 me 1 për Shqipërinë. Është shumë e vështirë, por nëse del kaq, ju premtoj se do zhvishem në studion e ‘Paso’.”
Sidorela Gjoni: “Si është zhveshja?”
Lorenc Jemini: “Do jem i veshur me bluzën e Kombëtares dhe nëse fitojmë me këtë rezultat, do e heq live në studio.”

Dhe ashtu ndodhi. Pas golit të Rey Manajt dhe fitores historike në Leskovac, Jemini e mbajti fjalën. Gjatë transmetimit live në Top Albania Radio dhe Digitalb, ai hoqi bluzën e Kombëtares në studio, duke festuar rezultatin me Glenti Nallbanin, Edi Manushin, Gëzim Sinematin dhe Ervin Fakajn.