Media shtetërore ruse po raporton se shërbimet ruse të sigurisë (FSB) kanë raportuar se autorët e dyshuar të sulmit në një sallë koncertesh, u arrestuan teksa po tentonin të arratiseshin drejt Ukrainës.
“Pas sulmit terrorist, kriminelët synonin të kalonin kufirin e Federatës Ruse dhe Ukrainës dhe kishin kontakte përkatëse në anën ukrainase”, citon TASS të ketë thënë FSB. Më herët u raportua se Rusia mund ta përdorë sulmin për të fajësuar Ukrainën dhe duket se ka nisur skenari.
Ukraina ka mohuar me vendosmëri çdo përfshirje.
Ndërkohë deri tani janë konfirmuar të paktën 93 viktima. Vetë Komiteti Hetimor ka reaguar, duke paralajmëruar se numri do të rritet. “Numri i të vdekurve do të rritet më tej”, thuhet në një deklaratë.
“Sipas të dhënave paraprake, shkaqet e vdekjes kanë qenë plagët me armë zjarri dhe helmimi nga produktet e djegies”, thuhet më tej.
Komiteti tha gjithashtu se personat e armatosur përdorën “lëng të ndezshëm” për të vënë zjarrin në sallën e koncerteve ndërsa njerëzit ishin ende brenda.
Aktualisht po kryhen ekzaminime balistike, gjenetike dhe gjurmë gishtash. Në një deklaratë të veçantë, departamenti rus i shëndetësisë tha se të paktën katër fëmijë ishin në spital.
Përveç kësaj, media shtetërore citoi zyrtarët rajonalë të shëndetësisë mbrëmë duke thënë se kishte tre fëmijë në mesin e të vdekurve. Siç raportuam më herët, të paktën 107 persona janë ende në spital.
