“Njëherë thotë çajini xhamat e shpojini gomat, pastaj del edhe…”/ Rama: Basha varet si e kurdisin

Gjatë fjalës së mbajtur në Sarandë kryeministri Edi Rama sulmoi taksën e sheshtë 9 për qind, që është angazhimi qeverisës i Partisë Demokratike.

Po ashtu kryeministri tha se Basha është i papërgjegjshëm në ato që thotë, pasi njëher shfaqet si radikal ekstremist, dhe pastaj si djalë i mirë.

“PD ka thënë se do sjelli mbrapsht atë taksën që ka lindur për të mbështetur më të pasurit, në kurriz të më të varfërve. Taksën e sheshtë 9 për qind. Ia vlen të paguash taksë 9 për qind për të cuar Lulin që të flejë te Kryeministria. Luli mund të flejë kudo. Kam qenë me të, kam treguar barcaletat e dynjasë që të mos të ma zinte gjumi. Ai mund të flejë te Shqup-i, në shtëpi, në makinë, pa problem fare. Më besoni që edhe kur është duke folur ai është duke fjetur. Ka mësuar të flasë në gjumë, prandaj është komplet i papërgjegjshëm në ato që thotë. Njëherë thotë çajini xhamat, shpojini gomat, pastaj del edhe thotë të kundërtën. Njëher shfaqet si radikal esktremist, njëher si djalë i mirë, varet si është kurdisur. Mbrapa tij qëndrojnë ata që e kurdisin. Ka mundësi që shumica e shqiptarëve të dojë prapë Ilir Metën dhe Sali Berishën në jetën e tyre?!”, tha Rama.

Ai sulmoi Berishën dhe Metën, duke u shprehur:  “Saliu dhe Iliri janë ata që morën peng Aeroportin e Rinasit. Janë ata që janë të gatshëm ta djegin nga e para Shqipërinë. I bashkon një ankth i madh, i humbjes përfundimtare të influencës së tyre mbi proceset e vendit, e mbi të gjitha mbi procesin e drejtësisë. Këtë e di i madh e i vogël, këtë e dinë edhe demokratët. Edhe vetë ata që janë pjesë e atij tabori krushqish, që janë nisur për ta tërhequr Shqipërinë pas berihajit. Në një luftë nuk i besohet drejtimi atyre që sa herë iu është dhënë mundësia të drejtojnë, kanë rrezikuar ta fusin popullin në luftë. Por një betejë të vetme për popullin dhe me popullin nuk e kanë fituar. Ndërkohë që ne nuk kemi dalë me një program elektoral, si ato programet që jemi mësuar ti dëgjojmë për vite të tëra”.