Opozita godet me vezë makinën e Ballës dhe të sekretarit të Kuvendit

Pas përfundimit të seancës plenare, deputetët e opozitës kanë goditur me vezë makinën e ministrit të Brendshëm, Taulant Balla, si dhe makinën e Sekretarit të Përgjithshëm të Kuvendit, Genc Gjonçaj.

Deputetët akuzojnë Genc Gjonçajn se në bashkëpunim me mazhorancën nuk i lejon ligjvënësit demokratë që të futen në sallën e Kuvendit.

Seanca e sotme plenare zgjati vetëm 24 minuta. Ashtu si seancat e tjera, edhe ditën e sotme opozita shkaktoi kaos me zhurmues dhe me protesta.

Por mes zhurmës, në nisje të seancës, kryeparlamentarja Nikolla nuk përmendi projektligjin për rikthimin e lojërave të fatit. Nikolla kishte hequr nga rendi i ditës projektligjin për rikthmin e lojërave të fatit.